Ji̍t-gí, mā hō Ji̍t-pún-ōe, sī chú-iàu tī Ji̍t-pún teh liû-thong ê giân-gí, sī sè-kài khah tōa liû-hêng ê giân-gí chi̍t khoán.
Goân-sí
Ji̍t-gí ê hē-phó͘, tō si i kap pa̍t khoán giân-gí ê koan-hē, sī á-bô kài bêng. Kīn-lâi ū chi̍t khoán ná liû-hêng ê lí-lūn, chú-tiuⁿ Ji̍t-gí sī Lâm-tó-hē ê jī-lūi thàu A-lú-tái-hē (Altaic) ê bûn-hoat. Chit thò lí-lūn tang-tiong ê ká-soat kî it sī kóng tī Jōmon sî-tāi (iok. 10,500 chì 300 CC) tī Ji̍t-pún chit só͘-chāi sī kóng khah óa Lâm-tó hē ê ōe; āu--lâi Yayoi bûn-hòa ji̍p khì Ji̍t-pún, tòa Ko-lê lâm-pêng ê ōe kòe-khì tī Kiú-chiu. Tòe-bóe tī Ji̍t-pún hoat-tián chhut bûn-hoat óa Ko-lê-ōe (khó-lêng sǹg sī A-lú-tái-hē), jī-lūi óa Lâm-tó-ōe ê giân-gí.